My Writings

ಅಣ್ಣಾ ಭಾವೂ ಸಾಠೆ (೧೯೨೦-೧೯೬೯): ಯಾವ ತರಹದ ಶಿಕ್ಷಣವಿಲ್ಲದೆ ಓರ್ವ ಅಸಾಮಾನ್ಯ ವ್ಯಕ್ತಿಯಾಗಿ ಹೊರಹೊಮ್ಮಿದ ಅಣ್ಣಾಭಾವು ಸಾಠೆಯವರ ಜೀವನ ಒಂದು ಆಶ್ಚರ್ಯವೆ. ಅಣ್ಣಾಭಾವುರವರು ಮರಾಠಿ ಸಾಹಿತ್ಯದ ಓರ್ವ ಮೊದಲ ದರ್ಜೆಯ, ಹಾಗೂ ಮೊದಲ ಪೀಳಿಗೆಯ ದಲಿತ ಬರಹಗಾರರು ಎಂಬುದು ಗಮನಾರ್ಹ. ಅದರಂತೆ ಅವರು ಸ್ವಾತಂತ್ರ್ಯ ಪೂರ್ವಕಾಲದ ಮಹಾರಾಷ್ಟ್ರದ ಗ್ರಾಮೀಣ ಬದಕನ್ನು ಚಿತ್ರಿಸಿದ ಅಗ್ರಗಣ್ಯ ಸಾಹಿತಿಗಳಾಗಿದ್ದಾರೆ.
ಅಣ್ಣಾಭಾವೂರವರು ಮರಾಠಿ ಸಾಹಿತ್ಯದ ತಮಾಶಾವನ್ನು ವಾಗ್ನಟ್ಯವೆಂಬ ಗಂಭೀರ ಸ್ವರೂಪದ ಜಾನಪದ ನಾಟ್ಯವನ್ನಾಗಿ ಪರಿವರ್ತಿಸಿದರು.
ಅಣ್ಣಾಬಾವುರವರು ಗ್ರಾಮೀಣ ಬದುಕಿನಲ್ಲಿ ಹುಟ್ಟಿ, ಅಲ್ಲಿಯೇ ಬೆಳದು, ಭವವನ್ನು ನೀಗಿದವರು. ಅವರು ಕೇವಲ ಸಾಹಿತಿ, ಅಂದರೆ ಕವಿ, ಕಥೆಗಾರ, ಹಾಗೂ ಕಾದಂಬರಿಕಾರರಾಗಿರದೆ, ಓರ್ವ ಕಮ್ಯುನಷ್ಟ ಪಕ್ಷದ ನೇತಾರರಾಗಿದ್ದರು. ಅವರು ಕಮ್ಯುನಿಷ್ಟ ಪಕ್ಷದ ನ್ಯೂನತೆಗಳಿಂದ ದೂರವಿದ್ದುದ್ದರಿಂದ ಅವರ ಸಾಹಿತ್ಯ ಎಲ್ಲರಿಗೂ ಒದಲರ್ಹವಾಯಿತೆಂದು ಹೇಳಬೇಕು.

ಇಂಗ್ಲೀಷ ಸಾಹಿತಿ ಡಾ. ಮಲ್ಲಿಕಾರ್ಜುನ ಪಾಟೀಲರ ಕನ್ನಡ ಕಾದಂಬರಿ ರೈತ ಕಲ್ಲಪ್ಪನ ಆತ್ಮಹತ್ಯೆಯು ಪ್ರಚಲಿತ ಸಮಸ್ಯೆಯೊಂದನ್ನು ಬಹು ನೈಜವಗಿ ಪ್ರತಿಬಿಂಬಿಸುತ್ತದೆ. ಪಾಟೀಲರು ಇಂದು ರೈತರು ಬರಗಾಲ, ನೆರೆಹಾವಳಿ ಹಾಗೂ ಮಾರುಕಟ್ಟೆಯ ಸಮಸ್ಯೆಗಳಿಂದ ನರಳುವುದನ್ನು ಈ ಕಾದಂಬರಿಯ ಕಥಾನಾಯಕ ಕಲ್ಲಪ್ಪನ ಜೀವನಚಿತ್ರಣದ ಮೂಲಕ ಚಿತ್ರಿಸಿದ್ದಾರೆ. ಸಾಮಾಜಿಕ ಸಮಸ್ಯೆಗಳಾದ ಭ್ರಷ್ಟಾಚಾರ, ಜಾತಿ ಪದ್ಧತಿ ಹಾಗು ಅಜ್ಞಾನ ಮತ್ತು ಅನಕ್ಷರತೆಗಳಿಂದಾಗಿ ರೈತರು ಮುಂದುವರೆಯುತ್ತಿಲ್ಲ. ಪಾಟೀಲರ ಕಾದಂಬರಿಯಲ್ಲಿ ಕಲ್ಲಪ್ಪನು ಗ್ರಾಮೀಣ ಬದುಕಿನಲ್ಲಿ ರೈತಪಿ ಜೀವನವನ್ನು ನಡೆಸುವದನ್ನು ನೋಡುತ್ತೇವೆ. ಆತ ತನ್ನ ಸಾಂಸಾರಿಕ ತೊಂದರೆಗಳು, ಬರಗಾಲ ಮುಂತಾದ ಸಮಸ್ಯೆಗಳಿಗೆ ತುತ್ತಾಗಿ ಒಂದು ದಿನ ಆತ್ಮಹತ್ಯೆ ಮಾಡಿಕೊಳ್ಳುವುದು ಬಹು ಹೃದಯಸ್ಪರ್ಶಿಯಾಗಿ ಚಿತ್ರಿತವಾಗಿದೆ. ಪಾಟೀಲರ ಕಾದಂಬರಿ ಇಂದಿನ ರೈತರ ಬವಣೆಯನ್ನು ಎತ್ತಿ ತೋರಿಸುತ್ತದೆ. ಈ ಕಾದಂಬರಿಯಲ್ಲಿಯ ಭಾಷೆಯು ಅಚ್ಚ ಉತ್ತರ ಕರ್ನಾಟಕದಿದ್ದು ಓದಲು ಸೊಗಸಾಗಿದೆ. ಒಟ್ಟಾರೆ ಇಂದಿನ ರೈತರ ಜೀವನವನ್ನು ತಿಳಿಯಬೆಕಾದವರು ಈ ಕಾದಂಬರಿಯನ್ನು ತಪ್ಪದೇ ಓದಬೆಕು ಎಂದು ನನ್ನ ಅಭಿಪ್ರಾಯ ಡಾ. ಎಸ್. ಎ. ಪಾಟೀಲ ಕುಲಪತಿಗಳು, ಕೃಷಿ ವಿಶ್ವವಿದ್ಯಾಲಯ, ಧಾರವಾಡ.

ಮಲ್ಲಿಕಾರ್ಜುನ ಪಾಟೀಲರಕ॒ನ್ನಡ ಕಾದಂಬರಿ ರೈತ ಕಲ್ಲಪ್ಪೊನ ಆತ್ಮಹತ್ಯೆ (೨೦೦೬), ಅನೇಕ ಆವೃತ್ತಿಗಳನ್ನು ಕಂಡಿದ್ದು, ಅದನ್ನು ಆಧರಿಸಿ ನೋಡ್ಕೊಂಡು ಹೋಗ್ರಿ (೨೦೧೨) ಎಂಬ ನಾಟಕವು, ನೇಗಿಲಯೋಗಿ (೨೦೧೨) ಎಂಬ ಚಲನಚಿತ್ರವು ಬಂದಿವೆ. ಈ ಪಠ್ಯವು ಭರತೀಯ ಇಂಗ್ಲಿಷ ಲೇಖಕಿ ಕಮಲಾ ಮಾರ್ಕಂಡಯರ ನೆಕ್ಟರ್ ಇನ್ ಎ ಸೀವ್ ಮತ್ತು ಅಮೇರಿಕಾದ ಬರಹಗಾರ ಜಾನ್ ಸ್ಟೇಯಿನ್‌ಬೆಕ್‌ನ ದ ಗ್ರೇಪ್ಸ್ ಆಫ ದ ರ‍್ಯಾಥ್ ಕಾದಂಬರಿಗಳನ್ನು ಹೋಲುತ್ತದೆ. ಈ ಸಂಕೀರ್ಣ ಕೃತಿಯ ಕಾದಂಬರಿ, ನಾಟಕ ಮತ್ತು ಚಲನಚಿತ್ರ ಮೂರು ಮಾದರಿಗಳು ಒಂದೆ ಕಡೆ ಪ್ರಕಟವಾಗಿದ್ದು ಒಂದು ವಿಶೇಷವಾಗಿದೆ. ವಿಮರ್ಶಕ ಡಾ ರಾಜೇಂದ್ರ ಚೆನ್ನಿಯವರ ಪ್ರಕಾರ ಇಂಥ ಮಾಧ್ಯಮದ ಬದಲಾವಣೆಯ ಜೊತೆಗೆ ವಸ್ತುವಿನ ನಿರ್ವಹಣೆ ಹಾಗೂ ಸಂವಹನಗೊಲ್ಳುವ ದೃಷ್ಟಿಕೋನಗಳು ಬದಲಾಗಿವೆ.

ಮಲ್ಲಿಕಾರ್ಜುನ ಪಾಟೀಲರ ಪ್ರಸ್ತುತ ಕಾದಂಬರಿ ಭೂಕಂಪವು ೨೦೦೧ರ ಗುಜರತ ಭೂಕಂಪವನ್ನು ಆಧರಿಸಿದ್ದು, ಅದು ಈ ನೈಸರ್ಗಿಕ ವಿಕೋಪವನ್ನು, ಅದರಲ್ಲಿ ಸಿಲುಕಿದ ಮಾನವ ಸಂಕುಲವನ್ನು ಸುಂದರವಾಗಿ ಚಿತ್ರಿಸುತ್ತದೆ. ಮಲ್ಲಿಕಾರ್ಜುನ ಪಾಟೀಲರು ಕನ್ನಡ ಹಾಗೂ ಇಂಗ್ಲೀಷ ಸಾಹಿತಿಯಾಗಿ, ಕಾದಂಬರಿ-ಕತೆಗಾರರಾಗಿ, ಅನುವಾದಕರಾಗಿ ಹಾಗೂ ನಿಸರ್ಗ ಪ್ರೇಮಿಗಳಾಗಿ ಕನ್ನಡ ನಾಡಿನ ಸೇವೆಯನ್ನು ಮಾಡುತ್ತಿದ್ದಾರೆ.

ಡಾ. ಪಾಟೀಲರ ಶೇಕ್ಸಪಿಯರನ ಇಂಗ್ಲಂಡಿನಲ್ಲಿ... ಎಂಬ ಪ್ರವಾಸಕಥನವೊಂದನ್ನು ಕನ್ನಡದಲ್ಲಿ ಬರೆದು ಪ್ರವಾಸ ಕಥನ ಸಾಹಿತ್ಯದೆ ಶ್ರೀಮಂತಿಕೆಯನ್ನು ಹೆಚ್ಚಿಸಿರುವರು. ಜಗತ್ಪ್ರಸಿದ್ದ ಆಕ್ಸಫರ್ಡ ವಿಶ್ವವಿದ್ಯಾಲಯವು ಕ್ರಿ.ಶ. ೨೦೦೧ರ ಇಂಗ್ಲೀಷ ಸಾಹಿತ್ಯದ ಬೆಸಿಗೆ ಸಿಬಿರಕ್ಕೆಂದು ಅವರನ್ನು ಆಹ್ವಾನಿಸಿ, ಆರ್ಥಿಕ ನೆರವು ನೀಡುದುದರ ಪ್ರತಿಫಲವಾಗಿ ಈ ಪ್ರವಾಸ ಕಥನ ರಚನೆಯಾಗಿರುವುದು ಅವರ ಸಾಹಿತ್ಯದ ಒಲವನ್ನು ಸಾರಿಹೇಳುವಂತಿದ್ದು ಅವರ ಸಾಹಿತ್ಯ ಸೇವೆ ಸಾರ್ಥಕವಾಗಿದೆ.

ಸಾಹಿತಿ ಮಲ್ಲಿಕಾರ್ಜುನ ಪಾಟೀಲರ ಇಂಗ್ಲಂಡಿನ ಪ್ರವಾಸಕಥೆಯನ್ನು ಓದಿದೆ. ಸಂತೋಷವಾಯ್ತು. ಈ ಕೃತಿ ೨೦೦೬ ರಿಂದ ೨೦೧೦ರೊಳಗೆ ಆರು ಸಲ ಮರುಮುದ್ರಣಗೊಂಡಿದ್ದು, ಅದಕ್ಕೆ ಮುನ್ನುಡಿಯನ್ನು ಬರೆದವರಲ್ಲಿ ಡಾ. ಎಂ.ಎಸ್. ಲಠ್ಠೆ, ಡಾ ಗುರುಲಿಂಗ ಕಾಪಸೆ ಮತ್ತು ಡಾ. ಬುದ್ದಣ್ಣ ಹಿಂಗಮಿರೆ ಅವರು ಬಹು ಪ್ರಮುಖರು. ಸಂಯುಕ್ತ ಕರ್ನಾಟಕ ದಿನಪತ್ರಿಕೆಯಲ್ಲಿ ಈ ಪ್ರವಾಸ ಕತೆಯನ್ನು ಧಾರಾವಾಹಿ ರೂಪದಲ್ಲಿ ಪ್ರಕಟಿಸಿದ್ದು, ಹಾಗೂ ಈ ಕೃತಿಯ ಬಗ್ಗೆ ಆಕಾಶವಾಣಿಯು ವಿಮರ್ಶೆಯನ್ನು ಮಾಡಿದ್ದು ತಿಳಿದು ಬರುತ್ತದೆ. ಒಂದು ವಾಕ್ಯದಲ್ಲಿ ಹೇಳಬೇಕಾದರೆ ಪಾಟೀಲರ ಶೇಕ್ಸಪಿಯರನ ಇಂಗ್ಲಂಡಿನಲ್ಲಿ ಇದರ ಓದು ಸಾಕಷ್ಟು ಲಾಭದಾಯಕವಾಗಿದೆ; ಇನ್ನೂ ಹೆಚ್ಚು ಒಳ್ಳೆಯದಾಗಿ ಮೂಡಿಬರಬಹುದಾಗಿದ್ದ ಅಂಶಗಳನ್ನೂ ಒಳಗೊಂಡಿದೆ. -- ದುಷ್ಯಂತ ನಾಡಗೌಡ

ಡಾ. ಪಾಟೀಲರ ಈ ಕೃತಿ ಹಿಮಾಲಯದಲ್ಲಿ ಪ್ರವಾಸ, ಪ್ರವಾಸ ಸಾಹಿತ್ಯಕ್ಕೆ ಪಾಟೀಲರು ನೀಡಿದ ಉತ್ತಮ ಕೊಡುಗೆಯಾಗಿದೆ. ಇದು ಹಿಮಾಲಯದ ಭವ್ಯತೆ ಮತ್ತು ಸೊಬಗನ್ನು ಪರಿಚಯಿಸುವದರೊಂದಿಗೆ ಇನ್ನುಳಿದ ಮುಖ್ಯ ಸ್ಥಳಗಳ ವಿಶೇಷತೆಯನ್ನು ಓದುಗರಿಗೆ ತಿಳಿಯಪಡಿಸುತ್ತದೆ. ಈ ಪ್ರವಾಸ ಕಥನ ಚಿಕ್ಕದಾದರೂ ಚೊಕ್ಕದಾಗಿ ಮೂಡಿ ಬಂದಿದೆ. ಸಹೃದಯ ಓದುಗರೆಲ್ಲರೂ ಇದನ್ನು ಓದಿ ಮೆಚ್ಚುವಲ್ಲಿ ಸಂಶಯವಿಲ್ಲ. ಪಾಟೀಲರಿಂದ ಇನ್ನೂ ಹೆಚ್ಚಿನ ಕೃತಿಗಳು ಮೂಡಿಬರಲಿ
-- ಡಾ. ಸಿ.ಎಚ್. ಕೊಟ್ರೇಶ, ಟೆಕ್ಸಾಸ್, ಅಮೆರಿಕಾ

ಕಾದಂಬರಿ ಮತ್ತು ಪ್ರವಾಸ ಕಥನ ಪ್ರಕಾರಗಳಲ್ಲಿ ಗಮನಾರ್ಹವಾದ ಸಾಧನೆಯನ್ನು ಮಾಡಿರುವ ಡಾ. ಪಾಟೀಲ ಈಶಾನ್ಯ ಭಾರತದಲ್ಲಿ ಪ್ರವಾಸ ಕೃತಿಯು ಕುತೂಹಲಕಾರಿಯಾಗಿದೆ. ನಿಸರ್ಗ ಸೌಂದರ್ಯದ ಸಾಕ್ಷಾತ್ ತಾಣಗಳಾದ ಈ ಪುಟ್ಟ ಪುಟ್ಟ ರಾಜ್ಯಗಳಲ್ಲಿ ಲೇಖಕರು ಸುತ್ತಾಡಿ ಅಲ್ಲಿನ ವಿಶೇಷಗಳ ಬಗ್ಗೆ ಆಸಕ್ತಿದಾಯಕವಾದ ಮಾಹಿತಿಗಳನ್ನು ನೀಡಿದ್ದಾರೆ. ವೈವಿಧ್ಯಮಯವಾದ ಬದುಕು ಮತ್ತು ಪ್ರವಾಸದ ಬಗ್ಗೆ ಒಲವು ಇದ್ದವರಿಗೆ ಈ ಕೃತಿಯು ಸಾಕಷ್ಟು ಉಪಯುಕ್ತವಾಗುತ್ತದೆಂದು ನಾನು ನಂಬಿದ್ದೇನೆ. ಡಾ. ಕಳೇಗೌಡ ನಾಗವಾರ

ವಿಲಿಯಂ ಷೇಕ್ಸ್‌ಪಿಯರ್ ಜಗತ್ತಿನ ಶ್ರೇಷ್ಠ ನಾಟಕಕಾರರಲ್ಲಿ ಒಬ್ಬ, ಪದವಿ ತರಗತಿಗಳಲ್ಲಿ ಒಂದಲ್ಲ ಒಂದು ಷೇಕ್ಸ್‌ಪಿಯರ್‌ನ ನಾಟಕವನ್ನು ವಿದ್ಯಾರ್ಥಿಗಳು ಪಠ್ಯವಾಗಿ ಓದುತ್ತಾರೆ. ಅದಕ್ಕೂ ಮುನ್ನ ಇವರ ತರಗತಿಗಳ ಪಠ್ಯಗಳಲ್ಲಿಯೂ ಷೇಕ್ಸ್‌ಪಿಯರ್‌ನ ಬಗೆಗೆ ವಿದ್ಯಾರ್ಥಿಗಳಿಗೆ ತಿಳಿಯ ಹೇಳಲು ಈ ಪುಸ್ತಕವು ಅತ್ಯಂತ ಉಪಯುಕ್ತವಾಗಿದೆ. ಷೇಕ್ಸ್‌ಪಿಯರ್‌ನನ್ನು ಸರಳವಾಗಿ ವಿದ್ಯಾರ್ಥಿಗಳಿಗೆ ಪರಿಚಯಿಸುವಂತೆ ರೂಪಿಸಿದ ಡಾ. ಮಲ್ಲಿಕಾರ್ಜುನ ಪಾಟೀಲ ಅವರಿಗೆ ಕನ್ನಡ ವಿಶ್ವವಿದ್ಯಾಲಯದ ಅಭಿನಂದನೆಗಳು.

‘ಡಾ. ಎ. ಮುರಿಗೆಪ್ಪ, ಕುಲಪತಿ

ಕ್ಯಾಥರಿನ್ ಮ್ಯಾನ್ಸ್‌ಫೀಲ್ಡ್‌ರ ಸಣ್ಣ ಕಥೆಗಳು ಏಕಾಂಗಿತನ, ಅಸುರಕ್ಷತೆ ಮತ್ತು ಕಟು ವಾಸ್ತವತೆ ಕುರಿತು ಬರೆದವು ಆಗಿರುತ್ತವೆ. ಸೂಕ್ಷ್ಮ ವ್ಯಂಗ ಅವಳ ಕಥೆಗಳಲ್ಲಿ ಎದ್ದುಕಾಣುವ ಗುಣವಾಗಿರುತ್ತದೆ. ಕ್ಯಥ್ರೀನ್ ಮ್ಯನ್ಸಫೀಲ್ಡ್ ಅರ್ಧ ಮುದ್ರಾವದಿಗಳಾದ ಕನ್ರಾಡ, ಅರ್ಥ ವರ್ಜಿನಿಯ ವೊಲ್ಫಳಂಥ ಮನೋಮುದ್ರಾವದಿಗಳ ಹತ್ತಿರ ಬರುತ್ತಾಳೆ. ೧೯೪೫ ರಲ್ಲಿ ಅವಳ ಸಮಗ್ರ ಕೃತಿಗಳ ಸಂಕಲನ ಪ್ರಕಟವಾಯಿತು. ಅದರಿಂದ ಕತೆಗಳನ್ನು ಆಯ್ದು ಇದರಲ್ಲಿ ಅನುವಾದಿಸಲಾಗಿದೆ.

ಡಾ. ಮಲ್ಲಿಕಾರ್ಜುನ ಪಾಟೀಲ ಅವರ ಪ್ರಥಮ ಕಥಾ ಸಂಕಲನ ಅವರ ಪ್ರಾಮಾಣಿಕ ಪ್ರಯತ್ನವನ್ನು ಹೊರಹಾಕುತ್ತಿದೆ. ಭಾರತದಲ್ಲಿ ಭ್ರಷ್ಟಾಚಾರ ತುಂಬಿ ತುಳುಕುತ್ತಿದೆ. ಎಲ್ಲೆಂದರಲ್ಲಿ ಭ್ರಷ್ಟಾಚಾರ! ಇದನ್ನು ತಡೆಯಲು-ಹೋಗಲಾಡಿಸಲು ಸಾಧ್ಯವೇ ಇಲ್ಲ ಎಂಬಂತಾಗಿದೆ. ಅದರ ಒಂದು ನಮೂನೆಯನ್ನು ಪಾಟೀಲರು ನಮ್ಮ ಮುಂದಿಟ್ಟಿದ್ದಾರೆ.

ಮಹಾಕವಿ ಷೇಕ್ಸಪಿಯರನ ಕುರಿತು ನಾನು ದಿನಾಂಕ: ೧೧-೯-೨೦೦೯ ರಂದು ಕರ್ನಾಟಕ ವಿಶ್ವವಿದ್ಯಾಲಯದ ಪ್ರಸಾರಾಂಗದ ಪರವಾಗಿ ಸವದತ್ತಿಯ ಹತ್ತಿರದ ಉಗರಗೋಳ ಹಳ್ಳಿಯಲ್ಲಿ ನೀಡಿದ (ಪ್ರಚಾರೋಪನ್ಯಾಸ ಮಾಲೆಯ) ಉಪನ್ಯಾಸವು ನಾನು ಈ ಪುಸ್ತಕವನ್ನು ಬರೆಯಲು ಸ್ಫೂರ್ತಿಯಾಯ್ತು. ಅದರಂತೆ ನಾನು ನನ್ನ ಇಂಗ್ಲಂಡ ಪ್ರವಸದ ಬಗ್ಗೆ ಬರೆದ ಷೇಕ್ಸಪಿಯರನ ಇಂಗ್ಲಂಡಿನಲ್ಲಿ... ಕೃತಿಯು ಈ ಕೃತಿಯ ರಚನೆಗೆ ಸಹಕಾರಿಯಾಗಿದೆ. ಈ ಪುಸ್ತಕವನ್ನು ಓದಿದ, ಓದುವ ಎಲ್ಲ ಸಹೃದಯ ಓದುಗರಿಗೆ ನನ್ನ ಧನ್ಯವಾದಗಳು.

ಈ ಕಿರು ಹೊತ್ತಿಗೆಯಲ್ಲಿ ಸಣ್ಣ ಪುಟ್ಟ ೨೫ ಚಿಂತನ ಗಳಿರುವುದುಂಟು. ಅವುಗಳಲ್ಲಿ ಬಹುತೇಕ ಚಿಂತನಗಳು ಅಖಿಲ ಭಾರತ ಆಕಾಶವಾಣಿಯಲ್ಲಿ ಮೂಡಿಬಂದವು ಆಗಿರುತ್ತವೆ. ಸಾಹಿತ್ಯ ಮತ್ತು ಸಮಾಜ, ಬಡತನ, ಸತ್ಯ ಮತ್ತು ಸೌಂದರ್ಯದ ಉಪಸನೆ, ದೇವರು ಮತ್ತು ಧರ್ಮ, ಶಿಕ್ಷಣ, ಆರೋಗ್ಯ, ಸಂಸ್ಕೃತಿ, ಸನ್ನಡತೆ, ಪುಸ್ತಕಗಳು, ಸಂಪತ್ತು ಮತ್ತು ಕೀರ್ತಿ, ಶಿಸ್ತು ಮತ್ತು ಬದ್ಧತೆ, ನಡೆ ನುಡಿ, ಪ್ರೇಮ ಮತ್ತು ಕಾಮ, ಪರಂಪರೆ ಮತ್ತು ಆಧುನಿಕತೆ ಹೀಗೆ ಅವುಗಳಲ್ಲಿ ವೈವಿಧ್ಯತೆ ಇದೆ, ವೈಚಾರಿಕ ಹೊಳವು ಇದೆ, ಚಿಂತನೆಯ ಕಿಡಿ ಇದೆ. ಅವು ಚಿಕ್ಕವೂ ಚೊಕ್ಕವೂ ಆಗಿರುತ್ತವೆ. ಒಂದೊಂದು ಚಿಕ್ಕ ಚಿಕ್ಕ ನಕ್ಷತ್ರದಂತೆ ಚಿದಾಕಾಶದಲ್ಲಿ ಮಿನುಗುತ್ತವೆ. ಅವು ತಮ್ಮ ಮಿತಿಯಲ್ಲಿ ತಮ್ಮ ಸುತ್ತಲೂ ಬೆಳಕನ್ನು ಹರಡಿರುತ್ತವೆ. Smಚಿಟಟ is beಚಿuಣiಜಿuಟ ಎಂಬ ಉಕ್ತಿಗೆ ಇವು ಸುಂದರ ಉದಾಹರಣೆಗಳಾಗಿರುತ್ತವೆ.
-ಡಾ. ಸಿ.ಆರ್. ಯರವಿನತೆಲಿಮಠ

ಮಲ್ಲಿಕಾರ್ಜುನ ಪಾಟೀಲರು ರಂಗಭೂಮಿಗೆ ಬಂದದ್ದು ಕೋಚ ತಡವಾದರೂ, ಅವರ ರೈತನ ಕಾದಂಬರಿ ರಂಗಭೂಮಿಗೆ ಕಲಾವಿದ ಶ್ರೀ ಎಲ್.ಜಿ. ದೇವಾಂಗಮಠರಿಂದ ನೋಡ್ಕೊಂಡು ಹೋಗ್ರಿ ಎಂಬ ಹೆಸರಲ್ಲಿ ನಾಟಕವಾಗಿ ಜನಪ್ರಿಯವಯ್ತು. ಭೂಕಂಪವು ಅಷ್ಟೇ. ಅವರು ರಚಿಸಿದ ಅಸಂಗತ ಕತೆಯನ್ನು ಆಧರಿಸಿ ಇದು ಹಿಂಗ್ಯಾಕ ಆತು? ನಾಟಕ ಜನಮನವನ್ನು ಗೆದ್ದಿತು. ನಂತರ ಸ್ವತಃ ಪಾಟೀಲರೇ ರಚಿಸಿದ ತಿರುಮಂತ್ರ, ಮಿಯಾಬೀವಿ ರಾಜಿ ಹೋತೋ? ಮತ್ತು ಉದ್ರಿ ಮಾತ ಇಲ್ಲ ನಾಟಕಗಳು ಹಲವಾರು ಪ್ರಯೋಗ ಕಂಡಿವೆ. ಪಾಟೀಲರ ಪ್ರಳಯದಾಚೆಗೆ, ಮಂಡೋದರಿ ಕಲ್ಯಾಣಗಳು ಆಡಲ್ಪಡಬೇಕು. ಅವರ ಒಟ್ಟು ಒಂಬತ್ತು ನಾಟಕಗಳು ಸದ್ಯ ಪ್ರಕಟವಾಗುತ್ತಿರುವುದು ಸಂತೋಷದ ಸಂಗತಿ. ಪಾಟೀಲರ ಕಾದಂಬರಿಗಳು ಮತ್ತು ಹಲವಾರು ನಾಟಕಗಳು ಭರತದ ಅನೇಕ ಭಾಷೆಗಳಿಗೆ ಅನುವಾದಗೊಂಡವೆ.

ಮಲ್ಲಿಕಾರ್ಜುನ ಪಾಟೀಲರು ಕನ್ನಡ ಸಾಹಿತಿಗಳೂ ಹೌದು. ಅವರು ಉತ್ತಮ ಅನುವಾದಕರೂ ಹೌದು. ಅವರ ಕನ್ನಡ ಕಾದಂಬರಿ ರೈತ ಕಲ್ಲಪ್ಪನ ಆತ್ಮಹತ್ಯೆ (೨೦೦೬), ನೋಡ್ಕೊಂಡು ಹೋಗ್ರಿ (೨೦೧೨) ಎಂಬ ನಾಟಕವಾಗಿ, ನೇಗಿಲಯೋಗಿ (೨೦೧೨) ಎಂಬ ಚಲನಚಿತ್ರವಾಗಿ ಹೊರಹೊಮ್ಮಿದೆ. ಶೆಕ್ಸಪಿಯರನ ಇಂಗ್ಲಂಡಿನಲ್ಲಿ (೨೦೦೬) ಅವರ ಚರ್ಚೆಗೊಳಗಾದ ಪ್ರವಸ ಕೃತಿಯಾಗಿದೆ. ಪಾಟೀಲರ ನಾಟಕಗಳಲ್ಲಿ, ತಿರುಮಂತ್ರ (೨೦೧೪), ಉದ್ರಿ ಮಾತ ಇಲ್ಲಾ (೨೦೧೫) ಮುಂತಾದ ನಾಟಕಗಳನ್ನು ಹೆಸರಿಸಬೆಕು. ಕ್ಯಾತ ರಂಗಭೂಮಿ ಕಲಾವಿದ ಶ್ರೀ ಎಲ್.ಜಿ. ದೇವಾಂಗಮಠರು ಅವರಿಗೆ ನಾಟಕದ ಮಾರ್ಗದರ್ಶಕರಾಗಿದ್ದಾರೆ. ಮಲ್ಲಿಕಾರ್ಜುನ ಪಾಟೀಲರು ಪ್ರತಿಭೆಗೆ, ಬದಲಾವಣೆಗೆ, ಸುಧಾರಣೆಗೆ, ಸಮಾಜಸೇವೆಗೆ ಮನ್ನಣೆಯನ್ನು ನೀಡುತ್ತಾರೆ. ಈಗ ಮಲ್ಲಿಕಾರ್ಜುನ ಪಾಟೀಲರು ೫೦ರ ಆಜುಬಾಜು ಬಂದಿದ್ದು, ಅವರ ಶ್ರೀಮತಿ ನಂದಾ ಪಾಟೀಲರು ಪತಿಯ ಕನ್ನಡ ಸಾಹಿತ್ಯ ಸಾಧನೆಯನ್ನು ಈ ಕೃತಿಯಲ್ಲಿ ಸಂಪಾದಿಸಿದ್ದಾರೆ.